Adriana Kalaja, përfaqësuese e Aleancës së Mbrojtjes së Teatrit, në një fjalim përpara protestuesve në Bashkinë e Tiranës, akuzoi kryetarin e bashkisë, Erion Veliaj, si “grabitës i taksave të qytetarëve.” Kalaja i bëri thirrje Policisë së Shtetit të tërhiqet nga rrethimi i bashkisë dhe theksoi se protestuesit nuk do të ndalen derisa të largojnë Veliajn nga zyra.
Ajo deklaroi: “Çdo ditë që po kalon, koha po na jep të drejtë. Me abuzimet me fondet e bashkisë, me taksat tona, me 100% të vjedhjes dhe grabitjes së tyre, tregoi se nuk ishte luftë politike dhe akuza të pabazuara. Çdo gjë ishte e vërtetuar.” Kalaja shtoi se ishte presioni i protestuesve që e detyroi SPAK-un të merrte në pyetje Veliajn.
Kalaja përfundoi me një thirrje të fortë: “Ne i bëjmë thirrje Policisë së Shtetit të largohet nga rrethimi që i ka bërë Bashkisë së Tiranës dhe nuk do të tërhiqemi derisa ta nxjerrim Veliaj nga zyra e bashkisë.”
