Pronari “Alba Exotic Fruit” u arrestua pak ditë më parë në Tiranë, nën akuzat e trafikut ndërkombëtar të drogës. Para Policisë dhe më pas para gjykatës, biznesmeni i mohoi të gjitha akuzat, ndërkohë që ai pretendon se nuk ka asnjë lidhje me episodet për të cilat ai akuzohet.
Mësohet të ketë kundërshtuar akuzat me pretekstin se drogën në mjetet e transportit të bananeve ia kishin futur grupet kriminale gjatë rrugës, pasi ai nuk ka asnjë lidhje me eksponentët e trafikut të drogës nga vendet latine. Pas arrestimit të bujshëm të Eduart Dautit, i cili edhe pse ishte në kërkim ndërkombëtar, pinte kafe i qetë në Tiranë, SPAK ka urdhëruar grupet e hetimit të nisin verifikimin e pasurisë së tij.
Arrestimi i tij është i denjë por pyetja që lind është se përse SPAK nuk arreston dhe vendos në hetim Trifon Muratajn, administratori qëndror i Zico SHA. Ka objekt disa importe që kanë të bëjnë me bananet. Dhe para disa kohësh kjo kompani po transportonte mes bananeve të saj një ngarkesë me 119 kg kokainë u kap në mënyrë rastësore, pikërisht në kamionin e “BanaKing”.
Mos ndoshta SPAK nuk arreston dhe heton Trifonin për shkak se ai është njeri që ka shumë lidhje të forta, që i kanë ardhur edhe për shkak të fuqisë monetare dhe biznesit që ka?
