Ka rënë në prangat e policisë pronari i një godine që po ndërtohet në Lezhë, pasi ditën e djeshme dy punëtorë u rrëzuan nga skela. 62-vjeçari me iniciale GJ.D. u arrestua ditën e sotme, teksa policia njofton se godina që po ndërtohet është pa leje.
Mëngjesin e ditës së djeshme dy punëtorë mbetën të plagosur në lezhë pasi u aksidentuan në vendin e punës. Ngjarja ndodhi rreth orës 10:00 paradite, ndërsa ata ishin duke punuar në një objekt privat në Ishull-Lezhë. Punëtorët e plagosur ishin Imet dhe Skënder Reshaku nga Kosova, respketivisht 49 dhe 50 vjeç. Ata u rrëzuan nga një lartësi e konsiderueshme pasi në momentin kur po hidhej betoni është shembur soleta. Ata janë dërguar në spital, ndërsa njëri prej tyre është në gjendje të rëndë pasi ka marrë fraktuar në disa pjesë të trupit.
Njoftimi i policisë:
Specialistët për Hetimin e Krimit në Komisariatin e Policisë Lezhë bënë arrestimin në flagrancë të shtetasit Gj. D., 62 vjeç, banues në Ishull Lezhë. Ky shtetas ka punësuar për ndërtimin e një objekti banimi, shtetasit I. Rr. dhe S. Rr., banues në Kosovë, të cilët punonin të paregjistruar në objektin që ishte në shkelje të lejes ndërtimore. Paraditen e djeshme, shtetasit I. Rr. dhe R.Sh., duke punuar kanë rënë nga skela dhe kanë marrë dëmtime. Këta shtetas janë dërguar për të marë mjekim në spitalin rajonal Lezhë.
