Një arrestim i bujshëm ka ndodhur ditën e sotme në Gjirokastrër, ku prokurorit Spartak Çoçolit, i janë vënë prangat në sallën e gjyqit. Burime nga policia bën me dije se arrestimi i tij ka ardhur me urdhër të Prokurorisë së Krimeve të Rënda, pasi ky i fundit është përfshirë në akte korrupsioni të vërtetuara këto nga përgjimet që ky insititucion ka realizuar.
Sipas Report Tv ky përgjim ka vazhduar për një kohe të gjatë, përkatësisht që nga koha kur është marrë një denoncim për prokurorin. Ai akuzohej për marrjen e 1000 eurove për të mbyllur çështjen e rrëmbimit të vajzës së tij të mitur, mirëpo prokurori nuk bëri absolutisht asgjë.
Në korrik 2018, nëna e vajzës, përveç ryshfetit, e akuzoi prokurorin edhe për dhunë ndaj saj në përfundim të seancës gjyqësore.
Në deklaratën e vajzës thuhej se ajo ishte rrëmbyer, mirëpo prokurori pretendonte të kundërtën, se ajo nuk kishte dashur vet të kthehej në shtëpi dhe pas këtij rasi ai ka qenë në përgjim deri më tani që i është dhënë dënimi me burg.
Prokurori tani qëndron i burgosur në Komisariatin e Gjirokastrës.
