Është arrestuar sot në Spanjë ish-kreu i bandës së Durrësit, Lulzim Berisha, pasi konsiderohet me rrezikshmëri të lartë shoqërore.
Ai ishte shpallur në kërkim nga autoritetet ndërkombëtare dhe shqiptare, menjëherë pas arrestimit kanë nisur procedurat për ekstradimin e tij drejt Shqipërisë.
Policia e Shtetit njofton se arrestimi i tij është finalizuar në kuadër të operacionit “Sant Joan”, për të cilin bashkëpunuan policia shqiptare dhe ajo spanjolle.
“Policia e Shtetit Vijojnë operacionet dhe bashkëpunimet e sukskeshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore. Finalizohet operacioni policor i koduar “Sant Joan”. Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimiet të tyre në kohë, me strukturat e Policisë spanjolle, u bë e mundur kapja e shtetasit me rrezikshëmri të lartë shoqërore Lulzim Berisha. Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri”, njofton policia.
Kujtojmë se Lulzim Berisha u lirua me kusht nga burgu në 5 dhjetor të vitit 2016, 5 vite para afatit nga trupa gjyqësore e Gjykatës së Apelit Durrës. 4 vite më pas, Berisha është shpallur në kërkim nga SPAK, pasi akuzohet për ngjarje të tjera kriminale, vrasjet e Vajdin Lames dhe Klodian Saliut.
