Një 29-vjeçar është arrestuar në Greqi, pasi kishte 7 vite që kërkohej ndërkombëtarisht. Ai akuzohet për një vrasje të kryer në Shqipëri shtatë vite më parë, që në 4 tetor të vitit 2012.
I riu shqiptar fshihej në Greqi, në Spartë ku kishte shkelur edhe ligjin e emigracionit.
29-vjeçari akuzohet për një vrasje me paramendim të kryer në Shqipëri. Dokumentacioni i të riut shqiptar i është ngarkuar prokurorisë së Apelit në Nafplion, e cila është duke shqyrtuar edhe mundësinë për ekstradimin e tij në Shqipëri, ose mund ta vuajë edhe në shtetin grek dënimin.
