Është arrestuar punonjësi i Policisë në Vlorë, Renaldo Avdulaj, i cili ishte shpalllur në kërkim prej 1 tetorit 2016, për veprat penale të kultivimit të lëndëve narkotike dhe grup të strukturuar kriminal.
38-vjeçari është pjesë e grupit prej tetë personash, të akuzuar nga Prokuroria se ushtronin aktivitetin e kultivimit të bimëve narkotike kanabis sativa në fshatrat Vezhdanisht-Treblovë, në Vlorë.
Në krye të grupit qëndronte Taulant Haxhiraj, i cili, bashkëpunonte ngushtë me punonjësin e Policisë, Renaldo Avdyli, si edhe me disa persona të tjerë. Këta të fundit kishin për detyrë marrjen e masave konkrete për kultivimin, magazinimin dhe më tej, shpërndarjen e lëndës narkotike.
Në kuadër të hetimeve të Prokurorisë për Krime të Rënda, në këtë zonë Policia e Shtetit zbuloi një sasi shumë të madhe lënde narkotike, të shpërndarë në parcela, si edhe në proces tharjeje.
Sipas dosjes të Prokurorisë, një grup personash, gjatë muajve prill dhe maj të 2016-ës, pasi kanë siguruar me parë sipërfaqe toke, në pyll, kullota, tokë në pronësi shtet ose në pronësi dhe posedim të personave privat, që ndodhet në territorin e zonës Administrative Vlorë, kanë filluar kultivimin e sasive të mëdha të bimëve narkotike të llojit canabis sattiva.
Në vijim të hetimeve, forcat e Policisë kanë ndërhyrë, duke realizuar arrestimin e 11 personave, por pa mundur të vë në pranga Renaldo Avdulin.
Por Renato Avdyli ka edhe një tjetër precedent dhe episod të njohur për policinë. Ai është plagosur disa vite më parë nga një person që dyshohet se e ka rrahur në kohën kur ka qenë pjesë e forcave të Policisë. Ngjarja për policinë është e zbardhur.
