Një punonjës i burgut të Peqinit, instruktor qeni, ka mbetur i plagosur nga një plumb qorr mbrëmjen e sotme, teksa ishte në detyrë brenda ambienteve të institucionit të vuajtjes së dënimit.
Të shtënat kanë ardhur nga jashtë mureve të burgut drejt ambienteve të burgut, teksa bëhet me dije se punonjësi i policisë, Idajet Paja, është lënduar lehtë, dhe se ka marrë mjekim brenda burgut, ku edhe ndodhet aktualisht.
Policia nisi hetimet për të zbuluar se çfarë ka ndodhur në këtë fshat, ku janë ngritur postblloqe për të bërë të mundur identifikimin dhe kapjen e personave që kanë qëlluar me armë, teksa në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë.
LEXO: Të shtëna me armë zjarri në burgun e Peqinit, plagoset punonjësi 41-vjeçar
Së fundmi, Policia ka arrestuar të dyshuarin kryesor për plagosjen e punonjësit të burgut të Peqinit.
Në një njoftim për mediat, Policia bën me dije se efektivët kanë gjetur edhe armën me të cilën është qëlluar efektivi, ndërsa në vendngjarje është zhdukur pa lënë gjurmë gëzhoja.
NJOFTIMI I POLICISË:
Peqin/Informacion paraprak/ Më datë 28.04.2020, rreth orës 19.40, është lënduar lehtë dyshohet nga një plumb qorr, shtetasi I.P, 41 vjeç, punonjës i IEVP Peqin, i cili pas ndihmës së parë mjekësore, ndodhet në institucionin ku punon dhe po merret në pyetje nga Grupi Hetimor. Në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë. Grupi Hetimor vijon punën nën drejtimin e Prokurorisë për zbardhjen e rrethanave të ngjarjes.
