Drejtori i postës së Dibrës Ilir Vraniçi dhe shefi i zyrës Xhevdet Doda kanë në prangat e policisë së shtetit.
Prokurorja Xhoana Mehmetaj ka firmosur urdhër-arrestin edhe punonjësin e postës Gazmir Hasi, i cili akuzohet për vjedhje duke shpërdoruar detyrën dhe falsifikim dokumentesh.
Ky person sipas hetimeve ka vjedhur pensionet e qytetarëve, rreth 6 milion lekë (të rinj). Hasi ka mundur t’i shpëtojë policisë, pasi ende nuk është arrestuar. Dy shefat e tij, drejtori i postës dhe shefi i zyrës akuzohen se nuk e kanë pikasur vjedhjen, edhe pse në dokumentacionet e plotësuara nga Hasi ka parregullsi. Sipas hetimeve ata kanë pasur dijeni për veprimet e vartësit te tyre.
Kujtojmë që Gazmir Hasi, një 33-vjeçar punonjës i postës në Dibër ishte shpallur që para një muaji në kërkim nga policia. Ai akuzohet se ka marrë një fond prej 6 milionë lekësh të vjetra, të pensioneve, dhe ka blerë shtëpi në Tiranë.
Për pasojë pensionistët kanë mbetur pa marrë paratë dhe i janë drejtuar emisionin Fiks Fare. Menjëherë pas transmetimit të rastit, Gazmir Hysi është shpallur në kërkim dhe akuzohet për dy vepra penale “Vjedhja e kryer duke shpërdoruar detyrën” dhe “Falsifikimi i dokumentave”.
Gazmir Hysi shpërndante pensione në zonën e Kastriotit, por pasi mori një shumë prej rreth 6 milionë lekësh, ai vonoi shpërndarjen e tyre. Madje, sipas drejtorit Ilir Vranici, punonjësi Hysi kishte probleme financiare, pasi kishte blerë një apartament në Tiranë. “Ka përdorur një pjesë të këtyre parave” pranoi z.Vranici, por në përballjen me gazetarët e Fiks Fare ai i mohoi!
