Ditën e sotme është arrestuar në jug të Shqipërisë, themeluesi i arratisur i platformës Thodex, Faruk Fatih Özer, i cili kërkohet me buletin të kuq.
Shtetasi turk Faruk Fatih Özer, i cili akuzohet nga Turqia për mashtrime me llogaritë e bursës së kriptovalutave Thodex, ndërkohë që ishte CEO i kompanisë është arrestuar rreth orës 08:30.
Ndërkohë që në njoftimin e bërë nga ministria turke, thuhet se ministri i Brendshëm i Shqipërisë, Bledar Çuçi, në orët e mëngjesit e ka njoftuar homologun e tij turk, Süleyman Soylu, se Özer është kapur në qytetin e Vlorës dhe se identiteti i tij është konfirmuar nga rezultatet biometrike.
“Kanë nisur procedurat e ekstradimit të Faruk Fatih Özer në Türkiye nga Departamenti i Interpolit pranë Drejtorisë së Përgjithshme të Policisë”, bëhet e ditur në njoftim. Kujtojmë që Prokuroria e vendit më 22 prill 2021 filloi zyrtarisht hetimin pas denoncimeve të përdoruesve për mos qasje në llogaritë e bursës së kriptovalutave Thodex dhe se pronari i kompanisë ishte larguar jashtë vendit.
Në këtë kuadër u konfirmua se pronari i kompanisë i dyshuari Faruk Fatih Özer ishte larguar jashtë vendit më 20 prill 2021. Por ajo që evidentohet nga fotot e publikuara është transformimi i paraqitjes se turkut, që prej kohët kur u strehua në vendin tonë.
Nga pamjë e një djali intelektual, biznesmen dhe që përcjell seriozitet, tashmë ai është “zhveshur” nga kostumi serioz duke u shndërruar në një “gangster”.
Vlen të theksojmë se në dosjen hetimore të publikuar nga mediat turke, Özer akuzohet për “krijim dhe drejtimi të një organizate me qëllim të kryerjes së krimeve”, “mashtrimi duke përdorur sistemet e informacionit, bankat ose institucionet e kreditit si mjete” dhe “tregtim ose menaxhim i kompanive”, ndërsa kërkohet për grupin e tij dënimi maksimal.
