Policia e Vlorës ka arrestuar një 67-vjeçar pasi akuzohet se ka ngacmuar seksualisht një të mitur.
Mësohet se ngjarja ka ndodhur në fshatin Çeprat.
Policia ka vënë në pranga shtetasin me iniciale S. S., 67 vjeç, banues në fshatin Çeprat, Vlorë, për veprën penale “Ngacmimi seksual”.
Nga hetimet e kryera, dyshohet se një ditë më parë ka ngacmuar seksualisht një shtetase të mitur.
Kujtojmë këtu se ditën e djeshmë një ngjarje tronditëse u bë publike në mediat shqiptare.
Një 15-vjeçare u abuzua seksualisht nga një 65-vjeçar, i cili ka qenë roja i shkollës në të cilën ka qenë vajza nxënëse.
I moshuari kishte filmuar të gjithë aktin e abuzimit dhe pamjet filmike ua kishte dërguar dy prsonave të tjerë, të cilët i kishte fqinj.
