Policia e Tiranës ka arrestuar Marsel Dokun, 39-vjeçarin që akuzohet për veprën penale “Prodhim dhe shitja e narkotikëve”. Sipas uniformave blu, pas finalizimit të operacionit “Blloku”, u procedua në gjendje të lirë për veprën penale “Veprime që pengojnë zbulimin e së vertetës” edhe motra e Marsel Dokur, shtetasja K. Ddoku, 61 vjeçe.
Sipas policisë, gjatë kontrollit fizik dhe të banesës së motrës së tij, u gjetën dhe sekuestruan një sasi me lëndë narkotike kokainë, 3 peshore elektronike, një shumë të madhe parash dhe sende të tjera të jashtëligjshme.
NJOFTIMI I POLICISË SË SHTETIT:
“Nga specialistët e Seksionit për Hetimin e Narkotikëve në bashkëpunim me Forcën e Posaçme “Shqiponjat” u organizua dhe u finalizua operacioni i koduar “Blloku” si rezultat i të cilit u bë arrestimi në flagrancë për veprën penale “Prodhim dhe shitja e narkotikëve” i shtetasit M. D., 39 vjeç, si dhe u procedua në gjendje të lirë për veprën penale “Veprime që pengojnë zbulimin e së vertetës” motra e tij shtetasja K. D., 61 vjeçe, pasi gjatë kontrollit fizik dhe të banesës së motrës së tij, sherbimet e Policisë gjetën dhe sekuestruan një sasi me lëndë narkotike kokainë, 3 peshore elektronike, një shumë të konsiderueshme parash dhe sende të tjera të kundraligjshme”, shkruhej në njoftimin e Policisë.
