Një 31-vjeçar është arrestuar nga policia e Lezhës, pasi gjatë kontrollit të mjetit u gjet lëndë narkotike.
Në kuadër të operacionit ‘Patoku’ është arrestuar 31-vjecari me inicialet N.N, bën me dije policia.
Ai u ndalua në aksin Tiranë-Lezhë dhe gjatë kontrollit në mjet u gjetën 3 kilogramë lëndë narkotike, të dyshuar Cannabis Sativa të fshehura brenda një televizori.
Njoftimi nga policia:
Specialistët e hetimit të narkotikëve, mbi bazën e një informacioni të marrë nga qytetarët për një shtetas i cili ishte nisur nga Tirana në drejtim të Lezhës, dhe me automjetin e vet po transportonte lëndë narkotike, menjëherë kanë organizuar, zhvilluar dhe finalizuar operacionin policor të koduar “Patoku”.
Në aksin rrugor Tiranë -Lezhë, në kthesën e Patokut, Shërbimet e Policisë kanë ndërhyrë ku kanë bërë të mundur bllokimin e automjetit së bashku me drejtuesin shtetasin N.N., 31 vjeç, banues në Tiranë. Gjatë kontrollit të ushtruar në automjetin e tij, në brendësi të një televizori, policia gjeti dhe sekuestroi në cilësinë e provës materiale 3 kilogramë lëndë narkotike, të dyshuar Cannabis Sativa.
Në përfundim të veprimeve të para hetimore u bë arrestimi në flagrancë i shtetasit N.N dhe materialet i kaluan Prokurorisë së Rrethit Gjyqësor Lezhë për veprën penale,”Prodhimi dhe shitja e lëndëve narkotike”, neni 283 i Kodit Penal.
