Komisariati i Policisë Nr. 6 ka finalizuar me sukses operacionin policor të koduar “Wanted 3”.
Përmes një pune të vazhdueshme dhe bazuar në informacione të siguruara për vendndodhjen e një shtetasi të shpallur në kërkim, shërbimet e Komisariatit të Policisë Nr. 6 kanë intensifikuar kontrollet për kapjen dhe ndalimin e tij, duke e vënë përpara përgjegjësisë ligjore.
Si rezultat i këtyre kontrolleve, u arrestua shtetasi G. Z., 29 vjeç, banues në Tiranë. Ky i fundit ishte dënuar nga Gjykata e Posaçme e Apelit për Korrupsionin dhe Krimin e Organizuar me 5 vjet e 4 muaj burgim, për akuzat e “Kultivimit të bimëve narkotike” në bashkëpunim dhe për “Grupin e strukturuar kriminal”.
