Policia e Tiranës ka arrestuar ditën e sotme 6 persona për vepra të ndryshme penale, ku dy prej tyre ishin të shpallur në kërkim kombëtar.
Në njoftim thuhet se ka rënë në prangat e policisë një 27-vjeçar me iniciale A.T i cili në rrugën “Demokracia“, ka goditur me grushte në kokë shtetasen L. B., 34 vjeç, të cilën kishte 6 muaj që e përndiqte duke i krijuar ankth dhe frikë.
Gjithashtu janë arrestuar dhe katër shtetas nga Specialistët e Qarkullimit Rrugor të cilët drejtonin mjetin pa leje drejtimi, në gjendje të dehur dhe një tjetër 30-vjeçar që ka aksidentuar ditën e djeshme një endacak në Vaqarr.
Ndërkohë materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi I policisë
Kapen dhe arrestohen dy shtetas të shpallur në kërkim kombëtar.
Vihen në pranga dhe 4 drejtues mjetesh.
Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit të shpallur në kërkim 27 vjeç, pasi në rrugën “Demokracia“, ka goditur me grushte në kokë shtetasen L. B., 34 vjeç, të cilën kishte 6 muaj që e përndiqte duke i krijuar ankth dhe frikë.
Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit Y. B., 40 vjeç, i shpallur në kërkim për veprën penale “Dhuna në familje”.
Nga specialistët e Qarkullimit Rrugor u bë arrestimi në flagrancë i shtetasve:
A. T., 26 vjeç, pasi në Rrugën e Qelqit, Kombinat, u kap duke drejtuar mjetin pa leje drejtimi dhe në gjendje të dehur, në masën 0.70 mg/l;
A. H., 30 vjeç, pasi ditën e djeshme, në Vaqarr, ka aksidentuar me pasojë vdekjen, një shtetas ende të paidentifikuar (endacak);
F. B., 22 vjeç, pasi u kap në flagrancë duke drejtuar mjetin pa lejen përkatëse;
A. M., 38 vjeç, pasi në Mëzez, u kap duke drejtuar mjetin në gjendje të dehur, në masën 0.71 mg/l.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
