Dy burra janë arrestuar ditën e sotme në Tiranë, pasi akuzohen për dhunë ndaj bashkëshorteve të tyre.
Policia ka arrestuar në flagrancë shtetasin M. K., 39 vjeç, në rrugën “Mihal Grameno”, pasi akuzohet se ka ushtruar dhunë fizike dhe psikologjike ndaj bashkëshortes së tij.
Ndërsa nga specialistët për Hetimin e Krimit në Komisariatin Nr. 5 u bë arrestimi në flagrancë i shtetasit A. K., 37 vjeç, i shpallur në kërkim për veprat penale “Dhuna në familje” dhe “Kanosja”, pasi ka ushtruar dhunë fizike e psikologjike dhe ka kanosur bashkëshorten e tij, madje në prezencë të fëmijëve.
Këto nuk janë rastet e vetme të dhunës në familje, sidomos gjatë periudhës së pandemisë së koronavirusit në Shqipëri.
Gjatë periudhës së karantinimit, janë denoncuar shumë raste të dhunës në familjet shqiptare.
Mësohet se për dy rastet e mësipërme, materialet i kanë kaluar Prokurorisë së Tiranës për të dhënë edhe vendimin përfundimtar për dy personat e arrestuar.
