Pas bastisjeve të Policisë së Kosovës në fshatrat e Zubin-Potokut, janë arrestuar disa persona të dyshuar, por ende nuk është konfirmuar nëse ata kanë lidhje me shpërthimin në Ibër-Lepenc.
Kryeministri Albin Kurti, gjatë një vizite në Varagë paraditen e sotme, theksoi se shpërthimi nuk është rezultat i veprimeve të një ose dy individëve, por i një grupi të strukturuar që udhëhiqet nga Serbia.
Ai fajësoi Serbinë për ngjarjen dhe kërkoi nga Shtetet e Bashkuara të Amerikës dhe Bashkimi Evropian të dënojnë veprimet e Serbisë dhe të kërkojnë përgjegjësi prej saj.
“Policia në Kosovë nuk është kundër serbëve, por Serbia është kundër Kosovës dhe ajo financon, mbështet, dirigjon grupe të tilla kriminale që i kanë në listë të rrogave dhe në organigramë të pushtetit. Prandaj dhe ne e bëjmë fajtor Serbinë për këtë dhe kërkojmë nga faktorët ndërkombëtarë sidomos nga Brukseli dhe Uashingtoni që ta dënojnë Beogradin dhe të kërkojnë përgjegjësi prej tyre. Nuk është e rastësishme heshtja e presidentit të Serbisë. Nuk është e rastësishme që ata po presin sa është dëmi, sa na kanë destabilizuar në mënyrë që të shohin çfarë episodesh të tjera të organizojnë. Ky ishte sulmi i tretë në 72 orët e fundit”, u shpreh Kurti.
Sipas tij, është e pamundur që sulmi të jetë organizuar nga qytetarë të zakonshëm.
Pas saj, për Kurtin fshihet një organizatë profesioniste në sulme terroriste.
