Policia e Durrësit ka arrestuar 5 persona për vepra penale të ndryshme, ndërsa një tjetër ishtë i shpallur në kërkim. Sipas njftimit të policisë në pranga ka rënë shtetasi N. B., banues në Derven të Krujës. Policia ka gjetur një armë zjarri pistoletë dhe një armë gjahu në shtëpinë e tij gjatë kontrolleve të kryera. Po ashtu në pranga ka rënë edhe shtetasi D. Z., 24 vjeç, banues në Krujë, pasi është kapur në flagrancë duke vjedhur materiale të ndryshme dhe disa vegla pune në banesën e shtetasit B. B.
Policia ka arrestuar edhe 57-vjeçarin B.K. pasi ishte shpallur më parë në kërkim Gjykata e Shkallës së Parë Krujë i ka caktuar masën e sigurisë “Arrest në burg” për veprën penale “Dhuna në familje”. Në prangat e policisë ka rënë edhe shtetasi A.K, 32 vjeç, banues në në fshatin Perlat, Durrës, pasi është kapur në flagrancë duke ngacmuar seksualisht një shtetase të mitur.
Ndërkohë nga specialistët e Qarkullimit Rrugor në Drejtorinë Vendore të Policisë Durrës është arrestuar në flagrancë shtetasi me inicialet A. B., 52 vjeç, banues në Durrës. Ai ka qenë duke drejtuar mjetin tip “Opel”, në gjendje të dehur është përplasur me mjetin tip “Benz”, duke i shkaktuar dëme materiale. Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Durrës Krujë, për veprime të mëtejshme.
