Ditën e djeshme katër persona janë shoqëruar në polici pasi dyshohen se kanë qenë të lidhur me grabitjen e 5.7 mln eurove në Aeroportin e Rinasit.
Burime nga policia bëjnë të ditur identitetin e tyre dhe ata janë: F.Beqiraj, A.Bengasi, R.Sula dhe S. Çela.
Ashtu siç edhe kemi lajmëruar më herët, Policia e shtetit ka zgjeruar rrezen e kërkimit duke përfshirë tri qytete, Tiranën, Durrësin dhe Fushë-Krujën, ku edhe u bë e mundur identifikimi i këtyre katër personave si pjesëmarrës në plan edhe pse mund të mos kenë qenë të pranishëm në grabitje.
Bëhet e ditur se ky arrestim ka ardhur pas identifikimit të servisit ku ishin bërë modifikimet e fugonit të përdorur në ngjarje dhe që është një provë e domosdoshme për hetuesit, pasi aty mund të përcaktojnë lehtësisht identitetet e pjesëmarrëse.
Momentalisht dy prej tyre janë identifikuar edhe pse ende nuk ka asnjë të dhënë nëse policia ka rënë ose jo në gjurmët e tyre dhe nëse është bërë gati arrestimi i tyre.
