Partia e Lirisë ka njoftuar se do të organizojë një protestë para Prokurorisë së Posaçme më 6 dhjetor, në orën 12, pas arrestimit të kreut të saj, Ilir Meta.
Meta u arrestua më 21 tetor me urdhër të SPAK, ku ndaj tij rëndojnë akuza për korrupsion dhe abuzime të tjera, përfshirë përdorimin e influencës si ish-ministër i Tregtisë dhe Energjetikës për të favorizuar kontrata të paligjshme me kompanitë CEZ dhe DIA.
SPAK akuzon gjithashtu Metën dhe bashkëshorten e tij, Monika Kryemadhi, për ndikim të paligjshëm në lidhjen e marrëveshjeve me kompani të tjera dhe përfitime personale, përfshirë kartat krediti dhe prona të paluajtshme.
Protesta e Partisë së Lirisë synon të shprehë kundërshtimin ndaj arrestimit dhe të kërkojë drejtësi për Ilir Metën.
