Para dy ditësh, kandidati i “Bashkë Fitojmë” në Himarë Fredi Beleri u arrestua me urdhër të SPAK për shit-blerje votash.
Ndërkohë që kryeministri i Greqisë, Kyriakos Mitsotakis, ka reaguar sërish për arrestimin e Fredi Belerit, kandidatit për kryetar bashkie në Himarë, dhe thotë se kjo çështje do të ndikojë në marrëdhëniet dypalëshe, por jo vetëm.
Më tej ai thekson se nuk do të pranojë qëndrime të tilla në kurriz të pakicës greke, sidomos 48 orë para zgjedhjeve.
“Është e papranueshme dhe e paimagjinueshme ajo që ka ndodhur me Fredi Belerin. Unë shkova në Himarë, isha i pari Kryeministër që vizitova këtë rajon dhe u zotova se Greqia do të ndihmojë gjithmonë pakicën etnike greke. Këtë ia kam bërë të qartë edhe Kryeministrit shqiptar.
Shqipëria duhet ta dijë shumë mirë se nëse një politikë e tillë do të vazhdojë, kjo do të ndikojë në marrëdhëniet tona dypalëshe dhe në rrugën e saj drejt BE-së. Nuk do të pranoj qëndrime të tilla në kurriz të pakicës greke, sidomos 48 orë para zgjedhjeve. Kjo do të ketë efekte në marrëdhëniet shqiptaro-greke dhe në rrugën e saj drejt BE-së për të cilën ne kishim”, është shprehur Mitsotakis.
Theksojmë se arrestimi i Fredi Belerit vjen 48 orë para mbajtjes së zgjedhjeve vendore të 14 Majit, ku 51-vjeçari garon përballë kryetarit aktual të bashkisë, Gjergji Goro, i cili kërkon një mandat tretë.
