Gjykimet skandaloze vazhdojnë që të ndodhin në sistemin tonë të drejtësisë. Gjykimeve të të diskutueshme të mëparshme, iu shtua sot edhe vendimi i Gjykatës së Kukësit ndaj këngëtares kosovare Fjolla Morina, e cila u kap me dy armë zjarri teksa po kalonte pikën doganore të Morinës.
Gjyqtarja Merita Karaj vendosi “arrest shtëpie” për këngëtaren Fjolla Morina, për akuzën e “trafikut të armëve” pasi në çantën e saj u gjetën dy armë, teksa po tentonte të kalonte kufirin për në Shqipëri.
Avokatja e Fjolla Morinës, Aurora Guska ka folur pas vendimit të Gjykatës së Kukësit për të lënë në arrest shtëpie këngëtaren dhe në burg, 2 miqtë e saj të arrestuar bashkë me të në pikën kufitare të Morinës.
Avokatja është shprehur se për këngëtaren është marrë ky vendim për shkak se ajo ka një vajzë 5 vjeçe si dhe janë paraqitur disa fakte të tjera.
“Dy herë pranë maternitetit të Kukësit bëri kontrolle rutinë. Në ditën që është ndaluar, mjeku nuk jepte dot të dhënë të saktë nëse është në fillimet e para të shatzënisë apo jo.
Për ta konfirmuar këtë fakt, sot prokurorja e çështjes, kërkoi një rivizitë të saj. Dhe, u konkludua nga dy mjeke që Fjolla nuk është shtatzënë. Unë panë rrethana të tjera, ajo ka një vajzë të mitur, të vetme, edhe mendoj që masa e arrestit në shtëpi është ekstreme.
“Këtu nuk kemi të bëjmë me trafikim. Dhe jo me armë luftarake. Jo në sasi po as në cilësi. Është një armë që mund ta blini 50 euro kudo”, ka thënë avokatja Aurora Guska.
Seanca e sotme në Gjykatën e Kukësit, e nisur që në orën 08:00 të mëngjesin e që përfundoi pas 7 orësh, i ngjante një skene komedie, e shtyrë dy herë.
Kjo për shkak se u raportua fillimisht se këngëtarja Fjolla Morina ishte shtatzënë dy muajshme dhe për këtë kishte paraqitur edhe një eko, por pas një rikontrolli të bërë, rezultoi se një pretendim i tillë nuk ishte i vërtetë.
Mjeku kishte dhënë një eko fals, ndaj të cilit rëndon akuza për veprën penale “shpërdorim detyre”. Mësohet se ai është “arratisur” për në Kosovë.
