Rrok Pepaj është lënë në arrest me burg teksa doli sot para gjykatës. Babai i Daniel Pepajt, ky i fundit autor i vrasjes së Vilson Çutajt dhe Klement Pepajt në Malësinë e Madhe, ka mohuar se ka lidhe në bashkëpunim për kultimin e kanabisit.
Rrok Pepaj mësohet të ketë thënë para gjykatës, se ai ka dalë në mal me policinë për të kërkuar, dhe në mënyrë rastësore ka gjetur parcelën dhe dy kufomat.
“Nuk kam patur dijeni për parcelën sepse në mal kam mbajtur bagëti dhe kam mbledhur boronica. Unë thjeshtë e njoh si zonë pjesën malore por nuk e kam ditur se ku ka parcela. Di faktin që djali im ka patur një ngatërresë dhe se e kanë rrahur. Djalin tim se kam parë prej disa ditësh dhe di vetëm që janë ngatërruar dhe se e kanë rrahur disa persona. Unë nuk kam asnjë faj dhe nuk kam lidhje me këto pune sepse une jam i semure dhe kam edhe gruan të sëmurë.”, pohoi Rrok Pepaj.
/GazetaReforma.com/
