Sektori për Hetimin e Krimeve të Rënda i DVP Fier ka ekzekutuar masën e sigurisë të caktuar nga Gjykata e Fierit për veprat penale “Vrasje me paramendim”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”, për shtetasin Kreshnik Gashi 33 vjeç, banues në Fier. Ky shtetas ishte shpallur në kërkim në vitin 2023 dhe tani ndodhet në arrest me burg. Kreshnik Gashi është vënë në kërkim që nga viti 2023 përshkak se në bashkëpunim me vëllain e tij, shtetasin Agim Gashi (aktualisht person në kërkim), dyshohet se kanë vrarë për motive të dobëta shtetasin Elton Javori.
Vijon puna për kapjen e shtetasit Agim Gashi. Materialet procedurale i kaluan Prokurorisë për veprime të mëtejshme.
