Sulmuesi i Kombëtares shqiptare, Armando Sadiku u prezantua ditën e sotme te skuadra më e re dhe duhet thënë që i habiti të gjithë. Sadiku ka njoftuar se Bolivar do të jetë skuadra e re ku do të luajë duke u bërë në këtë mënyrë shqiptari i parë që luan në Bolivi. Futbollisti i kombëtares tha se ndihet mirë për këtë hap dhe do të bëjë maksimumin për një paraqitje sa më dinjitoze.
“Jam shumë i lumtur që jam këtu! Të gjithë në klub më pritën shumë mirë dhe jam gati të zbres në fushë. Të gjithë duam të jemi në Copa Libertadores, prandaj jam këtu. Do të jap maksimumin tim për këtë. Do të jetë e vështirë të arrijmë objektivin tonë, pasi kemi dy ndeshje të vështira përpara. Gjithsesi do të punojmë shumë për ta arritur atë. Është një ëndërr për mua”.
Ndërkohë që kur u pyer nëse e njihte më parë Bolivar, Sadiku u përgjigj duke thënë se nuk e njihte dhe nuk ishte një vendim i lehtë, por nuk ka frikë nga eksperiencat e reja.
Në të vërtetë nuk e njihja shumë, por ata më folën për projektin, klubin dhe në të njëjtën kohë fola me lojtarë nga Spanja. Ata cilët më folën shumë mirë. Duhet të vendosja dhe nuk ishte e lehtë për mua. Është një përvojë e re dhe nuk kam frikë nga asgjë. Do të jap gjithçka për ekipin tim”.
