Drejtori i policisë së Shtetit ka pasur një takim me Samedin Mehmetin, Drejtorin e Policisë së Kosovës, ku të dy kanë vlerësuar rezultatet e larta të bashkëpunimit mes dy vendeve. Qëllimi kryesor i takimit ishte shkëmbimi i eksperiencave dhe procedurave të punës që përdorin policitë e dy vendeve. Drejtuesit e dy Policive të dy vendeve u zotuan për vazhdim të bashkëpunimit në fushën e sigurisë dhe në fusha specifike.
Njoftimi i policisë:
Drejtori i Përgjithshëm i Policisë së Shtetit Drejtues Madhor Ardi Veliu ka zhvilluar një vizitë pune në Drejtorinë e Përgjithshme të Policisë së Kosovës, ku është pritur nga Drejtori i Përgjithshëm i Policisë së Kosovës z. Samedin Mehmeti.
Gjatë takimit, Veliu dhe Mehmeti kanë vlerësuar rezultatet e larta të bashkëpunimit mes dy institucioneve në të gjitha fushat e sigurisë dhe jo vetëm.
Qëllimi kryesor i takimit ishte shkëmbimi i eksperiencave dhe përvojave të deritanishme, procedurave të punës që përdorin policitë e dy vendeve, më konkretisht shkëmbimin e ekspertizës lidhur me sistemet elektronike, bazat e të dhënave në përdorim, si dhe çështje të tjera të rëndësishme të bashkëpunimit dhe ndërveprimit në mes të dy policive të të dyja vendeve.
Drejtuesit e Policive të dy vendeve u zotuan për vazhdim të bashkëpunimit të ndërsjellë në fushën e sigurisë, si dhe mbështetjen në fusha specifike në mes të dy institucioneve policore.
