Para dy ditësh SPAK bëri kërkesë ndaj Kuvendit për arrestimin e Arben Ahmetajt i cili aktualiisht gëzon imunitetin që i jep mandati i deputetit.
Ndërkohë që akoma nuk është marrë një vendim nga Komisioni i mandateve, ka reaguar shefi i Organizimit në PD, Klevis Balliu.
Ai ka deklaruar se thënë se arkitekti i aferave korruptive me inceneratorë t është kryeministri Edi Rama, ndaj dhe pagesat vazhdojnë.
Në postimin e tij në Facebook, Balliu thekson se “të mendosh që Ahmetaj ka firmosur për inceneratorët pa Ramën,është njësoj si të besosh që gomari fluturon”.
“Të mendosh që Ahmetaj ka firmosur për inceneratorët pa Ramën,është njësoj si të besosh që gomari fluturon
Pak rëndësi ka se çfar thonë analistët e pavarur të Edi Ramës gomari gjithsesi nuk fluturon”, shkruan Balliu.
Theksojmë se Prokuroria e Posaçme në materialin e dorëzuar Kuvendit të Shqipërisë ka renditur të gjitha udhëtimet e shtetasit Arben Ahmetaj jashtë territorit të Shqipërisë, të nisura nga viti 2011. Sipas matrialeve, rezulton se për akomodimin në disa hotele luksoze, ku Arben Ahmetaj dhe bashkëjetuesja e tij kanë qendruar, janë paguar nga pronarët e inceneratorëve. Theksojmë se në dosjen prej 12 faqesh të SPAK janë listuar të gjithë hotelet ku ish-zëvendës kryeministri ka qendruar dhe se si është bërë pagesa e nga kush është bërë.
