Prej ditës së nesërme në Shqipëri do të nisë vaksinimi masiv i popullsisë.
Në një intervistë për Top Channel, ministrja e Shëndetësisë dhe Mbrojtjes Civile, Ogerta Manastirliu, njoftoi mbrëmjen e sotme për një detaj të ri.
Të gjithë qytetarët mund të aplikojnë online përmes platformës “e-Albania”, në mënyrë që të sigurojnë dozat për tu vaksinuar.
Radha e përzgjedhjes dhe njoftimit do të bëhet nga mjeku familjar në bazë të rendit të alfabetit.
Pjesë nga reagimi:
Mënyrë që do të lajmërohen nga mjeku i familjes. Ata që do zgjedhin për tu futur në listën e vaksinimit. Do jetë nga mjeku i familjes është porta e parë ku qytetari troket. Nga ana tjetër do të jetë, lajmësi i qytetarit për të kryer vaksinimin sipas moshës. E kemi vendosur në plan. Do lajmërohen nga mjeku i familjes, por do i japim mundësinë qytetarëve që edhe të mundet të aplikojnë apo të kërkojnë për tu vaksinuar apo kërkojnë që të dinë datën e vaksinimit. Mjafton që të kontaktojnë me mjekun e familjes dhe të bëjnë kërkesën tek mjeku i familjes. Por nga dita e hënë do të ketë edhe nëpërmjet portalit “E-Albania”. Një aplikim të përcaktuar për kërkesë për vaksinim” tha ministrja e Shëndetësisë Ogerta Manastirliu.
