Gjykata e Apelit ka zbardhur vendimin për ricilësimin e akuzës ndaj Arbër Paplekaj, i cili u dënua me shtatë vite burgim për vrasjen e Pjerin Xhuvanit në rrethana të tronditjes psikike.
Sipas gjykatës, ngjarja ka ndodhur më 21 prill 2021 në Elbasan, ku ishin të pranishëm edhe dy qitës të paidentifikuar nga prokuroria, të cilët dyshohet se kanë qëlluar.
Gjykata ka konfirmuar se njëri nga këta qitës ka qenë shumë afër viktimës, jo më shumë se një metër.
Përmes një ekspertimi, gjykata vlerëson se Paplekaj dhe Xhuvani kanë qenë në distancë të afërt gjatë shkëmbimit të zjarrit, që ndodhi katër ditë para zgjedhjeve parlamentare.
Sipas dëshmive dhe pamjeve filmike, ngjarja ka nisur me një të shtënë nga një nga qitësit në krah të viktimës. Paplekaj ka reaguar për shkak të tronditjes psikike dhe pasigurisë për jetën, duke mos pasur kontroll mbi veprimet e tij.
Gjykata ka theksuar se nuk ka prova për të dënuar efektivët për shpërdorim detyre dhe se nuk është provuar që Paplekaj të jetë autor i plagosjes së Eltjon Bodinakut dhe Emilian Prengës.
Për plagosjen e efektives Xhensila Sota, gjykata e ka konsideruar si pasojë të pakujdesisë, duke theksuar se nuk ka pasur qëllim të qëllonte punonjësen e policisë./Top chanel
