Apeli i Gjykatës së Posaçme ka rrëzuar vendimin e Shkallës së Parë të GJKKO-së, duke ashpërsuar masën e sigurisë ndaj Artemis (Armis) Stafës.
Në vend të “arrestit në shtëpi”, Apeli vendosi “arrest në burg” për 36-vjeçarin, i cili akuzohet nga SPAK për pastrim parash në funksion të grupit kriminal të vëllezërve Çopja në Elbasan, Franc dhe Hajdar Çopja.
Stafa u arrestua më 27 maj në Dubai dhe u ekstradua në Shqipëri më 11 qershor. Fillimisht, GJKKO vendosi masën e arrestit shtëpiak ndaj tij, por SPAK e ankimoi këtë vendim duke kërkuar një masë më të ashpër.
Gjykata e Apelit i dha të drejtë Prokurorisë së Posaçme, duke rikualifikuar masën e sigurisë në “arrest me burg”.
