Apeli i Gjykatës së Posaçme ka lënë në fuqi masën e sigurisë “arrest me burg” për Erion Veliajn.
Seanca u zhvillua ditën e sotme, ku trupa gjykuese shqyrtoi kërkesën e paraqitur nga avokatët e Veliajt për zëvendësimin e masës së sigurisë me garanci pasurore. Megjithatë, mbrojtja nuk ofroi një shumë konkrete, duke ia lënë në dorë gjykatës përcaktimin e vlerës.
Në përfundim, Apeli vendosi të mos e pranojë kërkesën dhe të lërë në fuqi vendimin për “arrest me burg”, i cili mbetet në fuqi për Veliajn.
