Deputeti Alqi Bllako nuk e shijoi për një kohë të gjatë rehatinë e shtëpisë, pasi Gjykata e Posaçme e Apelit ka rikthyer në burg ish deputetin socialist .
Kujtojmë që rreth një muaj pasi ndryshoi masa e sigurisë nga “arrest me burg” në “arrest shtepie”
Ish-deputeti Alqi Bllako u lirua nga gjykata në fillim të muajit Tetor, vetëm 6 muaj pasi u burgos. Ai mori një masë më të butë sigurie, “arrest shtëpie” për akuzat e korrupsionit dhe shpërdorimit të detyrës në lidhje me koncensionin e inceneratorit të Fierit.
Masa e sigurisë për Bllakon u ndryshua pas pretendimeve se gjendja familjare është e rënduar, ka fëmijë të mitur për t’u kujdesur dhe se hetimet për dosjen janë drejt fundit.
Ndërkohë që gazetarja Klodiana Lala për “News 24” deklaron se ky vendim erdhi pasi ka dyshime të forta se ish-deputeti socialist Alqi Bllako mund të largohet nga Shqipëria.
“GJKKO vendosi të pranojë Apelin e SPAK. Bllako ishte i pranishëm në seancë gjyqësore. SPAK ka kërkuar të prishje vendimi shkallës së parë dhe të ashpërsohej asaj duke argumentuar se ka prova dhe fakte dhe se ka rrezik të largohet nga Shqipëria”, raportoi gazetarja Klodian Lala.
Ndërkohë që avokati i Bllakos shprehet në një komunikim për mediat se nuk ka akoma në dorë arsyetimet e Gjykatës së Posaçme të Apelit.
Avokati Sokol Azizaj deklaroi gjithashtu se nuk e priste këtë vendim të gjykatës, duke shtuar se në këto kushte masa ‘arrest me burg’ dhe ‘arrest shtëpie’ janë e njëjta gjë.
“Nuk e di se për cilat arsye, përkundër sjelljeve të Bllakos, që ka lënë mandatin e deputetit, të vendosej kjo masë. Është paraqitur para organeve të drejtësisë. Si mund të prishë provat kur hetimi ndaj kësaj çështje është duke përfunduar. Se mendoj se kishte arsye që gjykata e Posaçme e Apelit të mbante qëndrim ndryshe. E vërteta është se në këtë vend, në këtë gjykatë është kthyer një fabul popullore ; ik se të vrara, dhe zbrit se të vrava. për të njëjtat arsyeje për të njëjtat shkaqe procedurale. Gjykata e Apelit mbajti qëndrim të cilin se ka arsyetuar akoma. Bllako u lirua më herët se nuk përbente rrezik për prishjen e provave. Ajo që nuk kuptoj është se ‘arresti me shtëpi’ dhe ‘arresti në burg’ janë e njëjta gjë. Bllako erdhi vetë në gjykatë se nuk përbën rrezik. Bllako në rastin konkret nën hetim, nuk është person i zgjedhur, referenca ndaj tij është e gabuar. Do bëjmë rekurs në Gjykatën e Lartë.”, tha avokati.
