Gjykata e Posaçme e Apelit për Korrupsionin dhe Krimin e Organizuar ka shpallur vendimet për çështjen e ish-kryebashkiakut të Lezhës, Fran Frrokaj, dhe bashkëpunëtorëve të tij.
• Fran Frrokaj u shpall fajtor për “Shpërdorim detyre” dhe u dënua fillimisht me 4 vite burg. Pas aplikimit të gjykimit të shkurtuar, dënimi përfundimtar u reduktua në 2 vite e 8 muaj burg.
• Bledar Cara u dënua fillimisht me 2 vite burg për të njëjtën vepër penale. Pas gjykimit të shkurtuar, dënimi përfundoi në 1 vit e 4 muaj burg, ndërsa i është hequr e drejta për të ushtruar funksione publike për 5 vite.
• J.M. gjithashtu u shpall fajtore për “Shpërdorim detyre” dhe u dënua me 2 vite burg, të reduktuara në 1 vit e 4 muaj për shkak të gjykimit të shkurtuar. Ekzekutimi i dënimit u pezullua dhe ajo do të qëndrojë në provë për 5 vite, duke mbajtur kontakte me shërbimin e provës në Lezhë. Po ashtu, i është hequr e drejta për të ushtruar funksione publike për 5 vite.
Gjykata ka refuzuar gjithashtu ankimin e një shoqërie private lidhur me vendimin e Shkallës së Parë për këtë çështje.
