Sot ka nisur punën në terren operacioni “Forca e Ligjit”. Oficerët e OFL-së kanë zbarkuar mesditën e sotme në Shijak, në restortin “Golden”, ku u mbajt peng 49-vjeçari Jan Prenga.
Policia ka kërkuar që të kryhen verifikimet e duhura dhe të justifikohet pasuria e familjarëve të Altin Hajrit, i cili është edhe pronari i resortit.
Nga verifikimet e operacionit Forca e Ligjit rezultojnë 3 shtëpi dhe 1 karburant në pronësi të familjes Hajri.
Në rast se nuk plotësohet formulari dhe dokumentacioni i parashikuar, do të bëhet sekuestrimi i pasurisë nga ana e Prokurorisë. Për 15 ditë SPAK do të kryejë hetimet në lidhje me këtë pasuri.
Pas hetimeve do të jetë gjykata që do të vendosë për konfiskimin e kësaj pasurie që është sekuestruar.
Që nga viti 2017 rreth 107 pasuri janë sekestruar nga ana e policisë, por vetëm 4% e tyre janë vendosur për konfiskim nga ana e gjykatës.
