Anglia plotëson katërshen e skuadrave që do të luajnë në ndeshjet gjysmëfinalet e Wembley në Euro2020.
Djemtë e Gareth Southgate shënuan plot katër gola në ndeshjen më të mirë që kanë bërë deri tani në këtë Kampionat Europian. Ndeshja më e mirë ishte edhe për kapitenin Harry Kane, i cili bëri një paraqitje të shkëlqyer duke shënuar një dopietë.
“Tre luanët” nuk e diskutuan asnjëherë fitoren, ndërsa çdo repart i fushës së tyre u rreshtua më së miri duke mos lejuar asnjë gol nga të besuarit e Andriy Schevchenko.
Harry Maguaire shënoi gjithashtu golin e parë për kombëtaren, me Jordan Henderson që do të vuloste fatin e ndeshjes sapo hyri në fushën e lojës. Një paraqitje mjaft e mirë edhe për Luke Shaë, që asistoi dy gola e po ashtu edhe për talentin e ri Jadon Sancho që luajti ndeshjen e parë si titullar.
Nga ana tjetër, Ukraina mund të largohet krenare nga turneu pasi bën një paraqitje dijnitoze dhe i siguruan vetes një vend në histori me kualifikimin e tyre në fazën çerekfinale të një Europiani.
Tashmë çiftet çerekfinale janë mësuar dhe në 6 korrik në Wembley Spanja do të përballet me Italinë në orën 21:00. Wembley do të presë po ashtu gjysmëfinalen tjetër mes Anglisë dhe Danimarkës në 7 korrik, para finales së madhe që luhet në në 11 korrik.
