Samiti i Dytë i Diasporës ka ngjallur debate të mëdha dhe këtë herë ka folur për të edhe gazetari e analisti, Enver Robelli.
Për “A Show” në një lidhje direkte “Skype” ka thënë se takime të tilla kanë rëndësi të veçantë për synime që parashtrohen, ndërsa Samitin e analizon si përdorim për qëllime politike.
“Unë mendoj se takimet e tilla është të rëndësishme, por e rëndësishme është koncepti dhe synimi i samiteve. Kjo është një ndjenjë e bashkëmendimtarëve për të keqpërdorur diasporën për qëllime të brendshme”, tha Robelli.
Nga ana tjetër ai pohoi se problemi i shqiptarëve është se qeverisen nga politikanë që duan të shiten si baballarë dhe si bajraktarë duke mos implemetuar reforma të rëndësishme.
“Problemi i shqiptarëve është se kanë aq shumë politikanë që duan të qëndrojnë si baballarë dhe si bajraktarë dhe nuk janë të prirur për të implementuar reformat. Gjithçka është një shfaqje teatrale”, shtoi ai.
