Ministrja e Drejtësisë, Etilda Gjonaj ka bërë me dije, se 28 gra do t’i kalojnë festat e fundvitit në shtëpi.
Sipas Gjonajt, nga 56 gra, u vendos që 28 prej tyre të lirohen në mënyrë të menjëhershme.
Ndërkohë 28 gra të tjera, përfitojnë ulejn me 1/3 të dënimit.
Amnistia ka kapur edhe 4 të mitur e dy të burgosur të tjerë.
Përfitues sipas ministres, janë edhe burrat mbi 60 vjeç, të dënuar për vepra penale, që nuk ndalohen nga amnistia.
Ndërsa për personat që kanë mbushur moshën e amnistisë, por janë të dënuar për vepra të rënda penale, nuk do të përfitojnë.
“Ndryshe nga herët e tjera, qëllimi i qeverisë, por edhe i imi personalisht, ka qenë që kjo amnisti t’i dedikohet disa kategorive, si grave, të miturve, të moshuarve që vuajnë dënimin në këto institucione. Nga kjo amnisti përfitojnë disa kategori që vlerësohen që për shkak të dënimit të mbetur, ose veprës së lehtë, të lirohen para kohës së kryerjes së këtij dënimi. Nga amnistia e miratuar nga Këshilli i Ministrave, në bazë të gjitha kritereve të vendosura, më të lehtësuara për gra dhe të mitur, nga 56 gra të dënuara, u vendos për lirim të menjëhershëm për 28 gra. Ndërsa 28 gra dhe përfitojnë ulje me 1/3 të dënimit të mbetur. Përfitojnë gjithashtu dhe 4 të dënuar të mitur, dhe dy të tjerë përfitojnë me ulje me 1/3 të dënimit. Një tjetër kategori përfituese janë dhe burrat mbi 60 vjeç, që nuk janë dënuar për vepra penale që ndalohen për të përfituar nga amnistia. Pavarësisht se një pjesë e të dënuarve mund të përmbushin një kushtin e dënimit ose të moshës, por nëse ata janë dënuar për vepra penale të rënda, nuk mund të përfitojnë nga kjo amnisti”, tha Gjonaj.
