Me rastin e 8 Marsit, Festës së Gruas, Ministri i Drejtësisë Ulsi Manja, ka vizituar Burgun e Grave në Ali Dem. Në një deklaratë të dhënë për mediat Manja është ndalur te projektligji për Amnistinë Penale, i cili ka nevojë për votat e opozitës për t’u miratuar. Manja është shprehur se mazhoranca është e gatshme të tërhiqet nga amnistimi i të dënuarve nga Gjykata e Posaçme, nëse ky amandament e pengon kalimin e ligjit
“E kam thënë që ditën e parë, nëse problemi është ai amendament, ne kemi deklaruar jemi të gatshëm të tërhiqemi, sepse nuk ka qenë në versionin zyrtar. Por nëse do të pyesni një zonjë brenda burgut, e cila është dënuar nga GJKKO, mendojeni dhe pozitën e asaj që priste.
Dakordësia dhe kompromisi, është të hiqet dorë. Ne jemi të gatshëm të tërhiqemi”, tha Manja.
