I ftohti polar ka pushtuar Amerikën dhe deri më tani situata paraqitet emergjente. Miliona amerikanë janë duke përjetuar dimrin më të ftohtë të parë ndonjëherë dhe kjo vjen si pasojë e masave të ftohta ajrore të cilat sipas sinoptikanëve vijnë nga Arktiku dhe janë duke u përhapur në të gjithë botën.
Megjithatë duket se më e keqja nuk ka kaluar akoma. Meteorologët kanë paralajmëruar se dita e nesërme, mund të shënojë temperatura në nivele historike dhe bëhet thirrje që të merren masat e nevojshme për të gjitha rastet.
Temperaturat e ulëta në Çikago janë të pranueshme, por kjo e mërkurë mund të rezultojë fatale, pasi kanë për të pasur temperaturat më të ulëta të regjistruara ndonjëherë në zonë.
Në Mineapolis temperaturat pritet të arrijnë në minus 40 gradë Celsius, në Çikago në minus 30 gradë, por duke llogaritur erën në Çikago, temperaturat ndjehen sikur të jenë minus 46 gradë Celsius.
Deri tani raportohen të paktën katër të vdekur si pasojë e motit të acartë.
Ajri i ftohtë është përhapur prej Amerikës veri-qendrore, drejt bregun lindor dhe në disa pjesë të Floridës që ndodhet në jug të vendit.
https://www.facebook.com/bbcnews/videos/335752560362889/
