Ambasadorja Yuri Kim ka kërkuar nga shoqëria civile që të monitorojnë procesin zgjedhor. Gjatë vizitës së saj sot në qytetin e Vlorës me përfaqësues të shoqërisë civile, ajo tha se ata duhet të luajnë një rol të rëndësishëm për të nxitur qytetarët të votojnë.
Ndër të tjera grupi ka diskutuar edhe për integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve. Kim ka theksuar gjithashtu rolin që shoqëria civile duhet të luaj në zgjedhjet e ardhshme duke nxitur të gjithë qytetarët që të votojnë , por në veçanti të rinjtë, duke i informuar për të drejtat dhe përgjegjësitë e tyre.
“Gjatë vizitës së saj sot në Vlorë, Ambasadorja Kim u takua me një grup përfaqësuesish të shoqërisë civile për të dëgjuar pikëpamjet e tyre mbi zgjedhjet e ardhshme. Grupi diskutoi mbi integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve. Ambasadorja theksoi rolin që shoqëria civile duhet të luajë në zgjedhjet e ardhshme duke nxitur të gjithë qytetarët të votojnë – veçanërisht të rinjtë, duke informuar votuesit për të drejtat dhe përgjegjësitë e tyre, si edhe duke kontribuar për një shoqëri më të drejtë dhe demokraci më të fortë në Shqipëri”, thuhet në njoftimin e ambasadës Amerikane.
