Mikhail Afanasiev, ambasadori i Rusisë në Shqipëri, ka përfunduar sot misionin e tij diplomatik dhe është larguar drejt Moskës. Lajmin e ka bërë me dije Ambasada e Federatës Ruse në Shqipëri, përmes një njoftimi në faqenzyrtare. Ministri Këshilltar i Ambasadës, Sergey Lysikov është emëruar i Ngarkuari me Punë i Rusisë në Shqipëri.
Njoftimi:
Sot, më 26 prill, Shkëlqesia e Tij Ambasadori i Jashtëzakonshëm dhe Fuqiplotë i Federatës Ruse në Republikën e Shqipërisë, Mikhail Afanasiev përfundoi misionin e tij diplomatik dhe u nis për në Moskë. Ministri Këshilltar i Ambasadës, Sergey Lysikov është emëruar I Ngarkuari me Punë i Rusisë në Shqipëri.
