Ambasada e Shteteve të Bashkuara të Amerikës në Tiranë ka dhënë lajmin e mirë se qeveria amerikane ka dhënë një tjetër ndihmë për Shqipërinë në luftën kundër koronavirusit.
Ambasada shkruan se kanë mbërritur në Shqipëri dhe janë dorëzuar pranë ISHP-s 3500 komplete testimi për COVID nga qeveria amerikane.
Këto testime do të ndihmojnë në zbulimin e rasteve dhe gjurmimin e të prekurve me COVID-19.
“3.500 komplete testimi për COVID të financuara nga qeveria amerikane, kanë mbërritur në Shqipëri dhe janë dorëzuar në ISHP! Këto komplete testimi janë pjesë e kontributit të përgjithshëm Amerikan për të mbështetur reagimin e Shqipërisë ndaj COVID-19. Duke punuar me Ministria e Shëndetësisë dhe Mbrojtjes Sociale të Shqipërisë këto komplete testimi do të ndihmojnë në zbulimin e rasteve si dhe gjurmimin e rasteve te lidhura me to”
Ndërkohë ndihmat nga Shtetet e Bashkuara të Amerikës nuk kanë munguar as gjatë fillimit të pandemisë kur pako me mjete të mbrojtjes personale për ekipet mjekësore u dhuruan nga Ambasada Amerikane në Tiranë.
