Televizioni kombëtar “Top Channel” vazhdon i pashqetësuar të transmetojë skena pothuajse pornografike në orare të papërshtatshme. Kësaj rradhe në emisionin “E Diell”, i cili konsiderohet si program familjar dhe transmetohet pasditen e ditës së diel në një orar ku para ekranit janë edhe fëmijët, janë shfaqur sërish skena të papërshtatshme.
Një grup vajzash konkurrente të veshura me bikini shfaqeshin duke bërë twork, ose thënë më thjesht kërcim që nuk i linte vend imagjinatës dhe puthje në vende intime. Ky është një tjetër rast ku ky televizion për hir të klikimeve nuk zbaton ligjet dhe etikën e transmetimit, dhe për më tepër nuk merr asnjë masë nga institucionet përgjegjëse. AMA duhej të kishte reaguar sa më parë për këtë rast, pasi TV në fjalë po tregon që nuk e ka frikën e institucioneve.
Kujtojmë se edhe para disa javësh, VNA solli në vëmendje një tjetër rast nga emisioni “Përputhen” i këtij televizioni ku transmetoheshin skena aspak të hijshme. Por reagimi që publikuam jo vetëm që ka rënë në vesh të shurdhët, u kthyem dhe në shënjestër të “Top Channel” i cili përdori të drejtën që ka për transmetimet televizive për të na bllokuar lajmin.
Të shpresojmë që këtë reagim ta shohë AMA dhe të gjithë institucionet përkatëse, para se të kthehemi në shënjestrën e rradhës të televizionit për të na bllokuar sërish./VNA
