Policia e Tiranës ka proceduar penalisht 2 persona, të cilët akuzohen për veprën penale “dëmtime të tjera me dashje”.
Mësohet se dy të arrestuarit janë shtetasit Ramazan Shahini, 31 vjeç dhe Maljon Hoxhaj 33 vjeç.
Sipas informacioneve zyrtare ka qenë shtetasi Ramazan Shahini ai i cili ka telefonuar policinë dhe i ka thënë se persona të paidentifikuar e kanë grabitur. Në momentin që në vendngjarje kanë mbërritur uniformat e policisë, 31-vjeçari e ka mohuar që të ketë telefonuar policinë duke u shprehur s telefonin nuk e kishte me vete.
Por ka shtuar, se persona të armatosur e kanë goditur. Pas këqyrjes së kamerave të zonës, policia ka mësuar se mes shtetasve Shahini, dhe Hoxhaj, ka pasur vetëm konflikt fizik, pa përdorimin e armës apo sendeve të forta. Ai i ka thënë policisë se persona të paidentifikuar e kanë goditur, por pas këqyrjes së kamerave të sigurisë, policia ka parë se dy të rinjtë kanë pasur një përleshje fizike me njëri-tjetrin.
Nën drejtimin e Prokurorisë po vijon puna për identifikimin dhe kapjen e personave të tjerë të përfshirë në konflikt dhe dokumentimin e plotë të ngjarjes.
Njoftimi i Policisë:
Specialistët për Hetimin e Krimit në Komisariatin e Policisë Nr. 6, proceduan në gjendje të lirë shtetasit R. Sh., 31 vjeç dhe M. H., 33 vjeç, të dy për veprën penale “Dëmtime të tjera me dashje”.
Rrjedhja e ngjarjes:
Në sallën operative të DVP Tiranë ka ardhur një telefonatë që shtetasin R. Sh, e kanë grabitur persona të paidentifikuar. Menjeherë në vendngjarje kanë shkuar sherbimet e Policisë dhe kanë marrë kontakt me këtë shtetas i cili ka deklaruar se nuk është e vertetë që e kanë grabitur, por që e ka harruar telefonin diku tjetër.
Më pas po ky shtetas ka hedhur dyshime që e kanë goditur persona të armatosur, ku pas verifikimeve të Policisë dhe kqyrjes së pamjeve filmike ka rezultuar se ka patur thjesht një konflikt fizik midis R. Sh dhe M. H., pa përdorimin e armës apo sende të forta.
Nën drejtimin e Prokurorisë po vijon puna për identifikimin dhe kapjen e personave të tjerë të përfshirë në konflikt dhe dokumentimin e plotë të ngjarjes.
