Të tjera detaje tronditëse kanë dalë në lidhje me ngjarjen e rëndë në Shkodër, ku nëna Alma Arazi dyshohet se është vetëmbytur me 3 fëmijët e saj. Hetimet kanë marrë tjetër rrjedhë. Kjo, pasi një kukull është gjetur poshtë Urës së Bunës. Kukulla dyshohet se i përket një prej vajzave të mbytura.
Kjo provë çon në dyshimin se Alma Arazi nuk është hedhur nga ura me fëmijët e saj, por ka shkuar poshtë urës dhe ka hyrë në Bunë në këmbë.
Tragjedia e 2 Majit
Ngjarja e rëndë ka ndodhur më 2 maj. Alma Arazi u vetëvra duke u hedhur në lumin Buna, bashkë me 3 fëmijët e saj të mitur, 2 vajza dhe 1 djalë. I dyshuar kryesor për krimin e rëndë është bashkëshorti i Alma Arazit, Ergys Arazi, babai i tre fëmijëve. Ai akuzohet se ka ushtruar dhunë në familje, gjë që ka shtyrë 39-vjeçaren drejt aktit të vetëflijimit. Ndërkohë që sherri në familje kishte nisur prej kohësh, pasi Alma Arazi zbuloi tradhtinë e bashkëshortit.
Deri më tani, 31-vjeçari ka mohuar të gjitha akuzat duke u mbrojtur me pretendimin se e shoqja vuante nga probleme të shëndetit mendor. Familjarët pretendojnë se Arazi kishte një lidhje tjetër jashtëmartesore, detaj që është marrë si pistë hetimi nga autoritetet.
