Deputetja britanike Alicia Kearns ka postuar në rrjete sociale një fotografi krah presidentes së Kosovës, Vjosa Osmani, duke theksuar rëndësinë e ruajtjes së paqes dhe stabilitetit në Kosovë dhe Ballkan. Në postimin e saj në Facebook, Kearns shprehu kënaqësinë e saj për takimin me presidenten Osmani në Samitin e Komunitetit Politik Evropian, i cili u zhvillua në Angli.
“Gjithmonë kënaqësi të takohem me presidenten e Kosovës, Vjosa Osmani, për të diskutuar për sigurinë dhe stabilitetin në Ballkan dhe Evropë. Ajo është me të vërtetë një fuqi dhe është jetike që të mos lejojmë aktorët armiqësorë të rindezin konfliktin në Kosovë,” ka shkruar Kearns.
Takimi mes Osmanit dhe Kearns erdhi në kuadër të Samitit të Komunitetit Politik Evropian, ku liderët diskutuan sfidat e përbashkëta si lufta në Ukrainë dhe emigracionin e paligjshëm. Të dyja lidere theksuan rëndësinë e bashkëpunimit ndërkombëtar për të adresuar këto çështje dhe për të siguruar paqen dhe stabilitetin në rajon.
