Enkelejd Alibeaj ka thirrur mbledhjen e grupit parlamentar të Partisë Demokratike. Kryetari i komanduar i Partisë Demokratike ka njoftuar që mbledhja të mbahet ditën e nesërme në orën 09:00 në selinë e PD, pak para nisjes së seancës plenare të Kuvendit,
“Përshëndetje!
Nesër në orën 09:00 do të zhvillojmë mbledhje grupi në seli.
Ju faleminderit!”, thuhet në mesazhin që i ka dërguar grupit të PD-së, Arbi Agalliu, sekretar i grupit.
Ajo çka mësohet është se Berisha nuk është në grupin e deputetëve qe e kanë marre mesazhin. Ndaj natyrshëm lind pyetja; a do të marrë pjesë Berisha në mbledhjen e grupit? Kujtojmë se pas dorëheqjes së Bashës nga posti i kryetarit, drejtimin e PD e mori Alibeaj, ndërkohë që pak ditë më vonë Gjykata Civile e Tiranës njohu zyrtarisht statutin e Kuvendit të 11 dhjetorit, të thirrur nga ish-kryeministri Sali Berisha.
Nënkryetari i Partisë dhe Kryetari i Grupit Parlamentar Enkelejd Alibeaj do të drejtojë Partinë Demokratike në periudhë tranzitore.
Përmes një njoftimi zyrtar sekretari i Përgjithshëm i PD-së Gazment Bardhi deklaroi se, “pasi jam njohur me deklaratën e Kryetarit të Partisë Lulzim Basha se ka vendosur të hedhë një hap pas duke u dorëhequr nga detyra e kryetarit të PD për të ndihmuar në ringritjen e PD, kam thirrur në një takim urgjent pune për të diskutuar për situatën.
Nënkryetarët e Partisë Jorida Tabaku dhe Enkelejd Alibeaj, si dhe Kryetaren e Këshillit Kombëtar të PD Arta Sakja. Në mbështetje të Statutit të Partisë dhe për të mos krijuar asnjë vakuum në drejtimin e Partisë në këtë moment të vështirë dhe specifik, kam konsultuar të dy nënkryetarët me qëllim paraqitjen për zgjedhjen menjëherë nga Këshilli Kombëtar të komandimit të njërit prej tyre për drejtimin e Partisë”.
