Enkelejd Alibeaj, Sekretari i Përgjithshëm i Partisë Demokratike zyrtare, ka hedhur akuza për amnistinë penale që, sipas tij, ka çliruar nga dënimi mbi 100 persona të dënuar për korrupsion. Ai shprehet se ky ligj u miratua në mënyrë të fshehtë, gjatë natës, dhe është rezultat i një marrëveshjeje të pamoralshme ndërpartiake. Alibeaj shton se vetëm disa ditë më parë, deputetët që votuan pro kësaj amnistie kishin premtuar se asnjë i dënuar për korrupsion nuk do të përfitonte nga ajo. Mediat BIRN dhe INA, bazuar në informacionet nga SPAK, tregojnë se ligji ka ndikuar në lirimin apo reduktimin e dënimeve për mbi 100 të dënuar, duke dëmtuar besimin publik në luftën kundër korrupsionit dhe duke e cilësuar si një goditje për përpjekjet e reformës në drejtësi. Partia Demokratike ka kundërshtuar këtë amnisti dhe ka premtuar të ndërmarrë hapa të mëtejshëm ligjorë për të sfiduar këtë vendim.
Trashëgimia kulturore, raporti: Rekomandimet që lihen nga UNESCO,në vesh të shurdhër
Shkëlqim turistik i Shqipërisë në kohën kur po vlerësohet gjithmonë e më shumë si një destinacion që ngjall interes edhe...