Deputeti Enkelejd Alibeaj i është kundërpërgjigjur deklaratave të kreut të grupit parlamentar të PS-së, Bledi Çuçi për reformën zgjedhore, se opozita nuk do që të bashkëpunojë. Sipas Alibeaj deklarata e Çuçit nuk është aspak e vërtetë pasi PD ka bërë prej 2 vitesh propozimet e veta për reformën zgjedhore. Gjithashtu Alibeaj akuzoi mazhorancën duke u shprehur se është ajo që nuk i do listat e hapura dhe do që të lërë jashtë votimeve diasporën.
“Për ata që kanë humbur kujtesën, do të dua t’u bëj me dije se në dhjetor të 2022 është dorëzuar paketa e parë që adresonte kërkesat e ODHIR. Por se ka pasur kush interesin për të drejtat e shqiptarëve. Nuk kam ardhur për Pazar me ju. Pazarin gjejeni diku tjetër. Ne kemi propozuar dy vite, ju nuk sollët asnjë projekt. Ju bëni ç’të doni, do e rrëzoni atë. Do të mbani listat e mbyllura dhe do të përjashtoni diasporën. Shqiptarët të na gjykojnë ne, me lista të hapura.
Sot ka një marrëveshje të rreme, pasi ka disa arsye; frika nga drejtësia. Faleminderit zonjë, e pe që nuk ndeza flakadanë apo jo!”, tha ai.
