Kadidati për deputet, njëkohësisht edhe drejtuesi i fushatës elektorale për Partinë Demokratike, Alfred Rushaj ka dalë me një deklaratë për mediat nga selia e blu. Rushaj ka thënë se numërimi i ccdo vote do konfirmojë vullnetin e shqiptarëve për ndryshim. Më tej Rushaj tha se sot u pa si u rikuperuan dy vende deputetësh nga ana e PD dhe se vazhdimi i numërimit do vazhdojë të ketë surpriza të pakëndshme për kundërshtarët. Rushaj i bëri thirrje gjithashtu ccdo komisioneri e numëruesi që mos të tjetërsojnë vullnetin e qytetarëve shqiptarë për ndryshim. Kjo pasi ata kanë votuar për ndryshim dhe janë duke e pritur ndryshimin që PD do të sjellë, ka deklaruar Rushaj.
“Siç ju kemi thënë që në fillim, numërimi i çdo vote do të konfirmojë vullnetin e shqiptarëve për ndryshim. Sot, pamë konkretisht se si dy vende u rikuperuan, vende deputetësh. Vazhdimi i numërimit do të ketë të tjera surpriza të pakëndshme për kundërshtarët tanë. Prandaj jam këtu sot për t’u bërë thirrje çdo komisioneri, çdo vëzhguesi, çdo numëruesi të cilës do parti, mos tjetërsoni vullnetin e qytetarëve shqiptarë për ndryshim. Ata kanë votuar për ndryshimin, ata presin ndryshimin dhe ne do ju sjellim ndryshimin. Faleminderit! Natën e mirë! Kalofshit mirë!”, tha Rushaj.
